Iseqsan D Iseqsan
Tmazight a yamazigh twafit n tumeyi, ijjen yurra t ijjen isw it ijjen icc it ijjen ma yuff it……. D cek d netta d winnnnn, nec qa yuggi; rmed zzay i tudart rmed zzay i raxart uca mmet di tudart inuuuuuuuu…….
Izran inu d tma n wayer mani zedghen inuriyen. Schemdhen aseynu s tisfay n imettawen. Izran inu d timerdhrin n thudhart a yessagwaden.
Iseqsan D Iseqsan
Tendared ayi deg wayel (mer) n uraji,
Tracca thedjaqed mghar iserman.
Dvwigh d d tadbart di remrah n ujenna
S wafriwen i tirelli mani djan.
Tesghemyed ayi d tlulluct x ughembub n ucar,
Mant aghemmuy mant arqah mebra yaman.
Maolik tudart mammec xsegh necc, i mammec xsen yewdan!!
Ajenna iri war itiri d ajenna,
Ighezran war tirin d ighezran,
Tammûrt d tammûrt d wesghar,
I mayemmi raxart d imedvran??
Asekkum ireqqeh, asennan ighemmi,
Necc tisrawen ayi izvewran,
Tanezruft x ighembab itefsu
Tesdvar tmeddit x wussan,
Mani tezdegh tamzva n tanfust
Tmudv Nunja d izerman.
Amen yemmudv webrid di tudart a
Yedwer zman war yedji d zman,
Tezzvugh taqessist d tlulluct
Tghemmi d tmeghghar d asennan.
Ad yiri nettat tessen min war ssinegh necc x yewdan……
Izran inu d tma n wayer mani zedghen inuriyen Schemdhen aseynu s tisfay n imettawen. Izran inu d timerdhrin n thudhart a yessagwaden.
Mayssa Rachida
